śrīḥ śrīmate nigamāntamahādeśikāya namaḥ śrīmān veṅkaṭanāthāryaḥ kavitārkikakesarī ý vedāntācāryavaryo me sannidhattāṃ sadā hṛdi ý ý śrīmadvālmīkīyarāmāyaṇam ý ý sundarakāṇḍam ý ý ṣoḍaśaḥ sargaḥ This document has been prepared by Sunder Kidambi with the blessings of śrī raṅgarāmānuja mahādeśikan His Holiness śrīmad āṇḍavan of śrīraṅgam This was typeset using L A TEX and the skt font.
śrīḥ śrīsītārāmābhyāṃ namaḥ śrīmate rāmānujāya namaḥ ý ý sundarakāṇḍam ý ý ṣoḍaśaḥ sargaḥ sītāyāḥ śīlaṃ saundaryaṃ ca manasā praśasya tāṃ duḥkhamagnāṃ nirīkṣya tadarthaṃ hanumato pi śokaḥ praśasya tu praśastavyāṃ sītāṃ tāṃ haripuṅgavaḥ ý guṇābhirāmaṃ rāmaṃ ca punaścintāparo bhavat ý ý 5.16.1 ý ý sa muhūrtamiva dhyātvā bāṣpaparyākulekṣaṇaḥ ý sītāmāśritya tejasvī hanūmān vilalāpa ha ý ý 5.16.2 ý ý mānyā guruvinītasya lakṣmaṇasya gurupriyā ý yadi sītā hi duḥkhārtā kālo hi duratikramaḥ ý ý 5.16.3 ý ý rāmasya vyavasāyajñā lakṣmaṇasya ca dhīmataḥ ý nātyarthaṃ kṣubhyate devī gaṅgeva jaladāgame ý ý 5.16.4 ý ý tulyaśīlavayovṛttāṃ tulyābhijanalakṣaṇām ý rāghavo rhati vaidehīṃ taṃ ceyamasitekṣaṇā ý ý 5.16.5 ý ý tāṃ dṛṣṭvā navahemābhāṃ lokakāntāmiva śriyam ý jagāma manasā rāmaṃ vacanaṃ cedamabravīt ý ý 5.16.6 ý ý asyā hetorviśālākṣyā hato vālī mahābalaḥ ý rāvaṇapratimo vīrye kabandhaśca nipātitaḥ ý ý 5.16.7 ý ý virādhaśca hataḥ saṅkhye rākṣaso bhīmavikramaḥ ý vane rāmeṇa vikramya mahendreṇeva śambaraḥ ý ý 5.16.8 ý ý
caturdaśa sahasrāṇi rakṣasāṃ bhīmakarmaṇām ý nihatāni janasthāne śarairagniśikhopamaiḥ ý ý 5.16.9 ý ý kharaśca nihataḥ saṅkhye triśirāśca nipātitaḥ ý dūṣaṇaśca mahātejā rāmeṇa viditātmanā ý ý 5.16.10 ý ý aiśvaryaṃ vānarāṇāṃ ca durlabhaṃ vālipālitam ý asyā nimitte sugrīvaḥ prāptav āllokaviśrutaḥ ý ý 5.16.11 ý ý sāgaraśca mayā krāntaḥ śrīmān nadanadīpatiḥ ý asyā hetorviśālākṣyāḥ purī ceyaṃ nirīkṣitā ý ý 5.16.12 ý ý yadi rāmaḥ samudrāntāṃ medinīṃ parivartayet ý asyāḥ kṛte jagaccāpi yuktamityeva me matiḥ ý ý 5.16.13 ý ý rājyaṃ vā triṣu lokeṣu sītā vā janakātmajā ý trailokyarājyaṃ sakalaṃ sītāyā nāpnuyāt kalām ý ý 5.16.14 ý ý iyaṃ sā dharmaśīlasya janakasya mahātmanaḥ ý sutā maithilarājasya sītā bhartṛdṛḍhavratā ý ý 5.16.15 ý ý utthitā medinīṃ bhittvā kṣetre halamukhakṣate ý padmareṇunibhaiḥ kīrṇā śubhaiḥ kedārapāṃsubhiḥ ý ý 5.16.16 ý ý vikrāntasyāryaśīlasya saṃyugeṣvanivartinaḥ ý snuṣā daśarathasyaiṣā jyeṣṭhā rājño yaśasvinī ý ý 5.16.17 ý ý dharmajñasya kṛtajñasya rāmasya viditātmanaḥ ý iyaṃ sā dayitā bhāryā rākṣasīvaśamāgatā ý ý 5.16.18 ý ý sarvān bhogān parityajya bhartṛsnehabalāt kṛtā ý acintayitvā kaṣṭāni praviṣṭā nirjanaṃ vanam ý ý 5.16.19 ý ý santuṣṭā phalamūlena bhartṛśuśrūṣaṇāparā ý yā parāṃ bhajate prītiṃ vane pi bhavane yathā ý ý 5.16.20 ý ý www.prapatti.com 2 Sunder Kidambi
seyaṃ kanakavarṇāṅgī nityaṃ susmitabhāṣiṇī ý sahate yātanāmetāmanarthānāmabhāginī ý ý 5.16.21 ý ý imāṃ tu śīlasampannāṃ draṣṭumicchati rāghavaḥ ý rāvaṇena pramathitāṃ prapāmiva pipāsitaḥ ý ý 5.16.22 ý ý asyā nūnaṃ punarlābhād rāghavaḥ prītimeṣyati ý rājā rājyaparibhraṣṭaḥ punaḥ prāpyeva medinīm ý ý 5.16.23 ý ý kāmabhogaiḥ parityaktā hīnā bandhujanena ca ý dhārayatyātmano dehaṃ tatsamāgamakāṅkṣiṇī ý ý 5.16.24 ý ý naiṣā paśyati rākṣasyo nemān puṣpaphaladrumān ý ekasthahṛdayā nūnaṃ rāmamevānupaśyati ý ý 5.16.25 ý ý bhartā nāma paraṃ nāryāḥ śobhanaṃ bhūṣaṇādapi ý eṣā hi rahitā tena śobhanārhā na śobhate ý ý 5.16.26 ý ý duṣkaraṃ kurute rāmo hīno yadanayā prabhuḥ ý dhārayatyātmano dehaṃ na duḥkhenāvasīdati ý ý 5.16.27 ý ý imāmasitakeśāntāṃ śatapatranibhekṣaṇām ý sukhārhāṃ duḥkhitāṃ jñātvā mamāpi vyathitaṃ manaḥ ý ý 5.16.28 ý ý kṣitikṣamā puṣkarasannibhekṣaṇā yā rakṣitā rāghavalakṣmaṇābhyām ý sā rākṣasībhirvikṛtekṣaṇābhiḥ saṃrakṣyate samprati vṛkṣamūle ý ý 5.16.29 ý ý himahatanalinīva naṣṭaśobhā vyasanaparamparayā nipīḍyamānā ý sahacararahiteva cakravākī janakasutā kṛpaṇāṃ daśāṃ prapannā ý ý 5.16.30 ý ý www.prapatti.com 3 Sunder Kidambi
asyā hi puṣpāvanatāgraśākhāḥ śokaṃ dṛḍhaṃ vai janayantyaśokāḥ ý himavyapāyena ca śītaraśmirabhyutthito naikasahasraraśmiḥ ý ý 5.16.31 ý ý ityevamarthaṃ kapiranvavekṣya sīteyamityeva tu jātabuddhiḥ ý saṃśritya tasmin niṣasāda vṛkṣe balī harīṇāmṛṣabhastarasvī ý ý 5.16.32 ý ý ý ý ityārṣe śrīmadrāmāyaṇe vālmīkīye ādikāvye sundarakāṇḍe ṣoḍaśaḥ sargaḥ ý ý www.prapatti.com 4 Sunder Kidambi