śrīḥ śrīmate nigamāntamahādeśikāya namaḥ śrīmān veṅkaṭanāthāryaḥ kavitārkikakesarī vedāntācāryavaryo me sannidhattāṃ sadā hṛdi śrīraṅganāthapādukāsahasram trayodaśī This document has been prepared by Sunder Kidambi with the blessings of śrī raṅgarāmānujamahādeśikan His Holiness śrīmad āṇḍavan of śrīraṅgam This was typeset using L A TEX and the skt font.
śrīḥ śrīmate nigamāntamahādeśikāya namaḥ trayodaśī śrīmān veṅkaṭanāthāryaḥ kavitārkikakesarī vedāntācāryavaryo me sannidhattāṃ sadā hṛdi pāntu vaḥ padmanābhasya pādukākel ipāṃsavaḥ ahalyādehanirmāṇaparyāyaparamāṇavaḥ 13.1 tava sañcaraṇādrajo vidhūtaṃ yadidaṃ raṅganarendrapādarakṣe! alametadanāvilāni kartuṃ katakakṣoda ivāśu mānasāni 13.2 punaruktapitāmahānubhāvāḥ puruṣāḥ kecidamī punanti viśvam madhuvairipadāravindabandhoḥ aparāgāstava pāduke! parāgaiḥ 13.3 abhiyuktajano nijārbhakāṇāṃ bahuśo raṅganarendrapādarakṣe! avalepapiśācamocanārthaṃ rajasā limpati tāvakena dehān 13.4 śirasā parigṛhya lokapālāḥ tava raṅgeśvarapāduke! rajāṃsi viṣameṣu baleṣu dānavānāṃ vyapanītānyaśirastramāviśanti 13.5 kṛtinaḥ śirasā samudvahantaḥ katicit keśavapāduke! rajaste rajasastamaso pi dūrabhūtaṃ paripaśyanti viśuddhameva sattvam 13.6
adhikaṃ padamāśrito pi vedhāḥ prayato raṅgadhurīṇapādarakṣe! abhivāñchati saṅgamaṃ parāgaiḥ abhijātaistava devi! nābhijātaḥ 13.7 śuddhasattvavapuṣaiva bhavatyā pāduke! virajasau haripādau astu kiṃ punaridaṃ rajasā te śuddhasattvamayatā manujānām 13.8 tadrajastava tanoti pāduke! mānasānyakaṭhināni dehinām prastarasya padavīgatasya yat vyācakāra munidharmadāratām 13.9 raṅgeśayasya puruṣasya jagadvibhūtyai rathyāparikramavidhau maṇipādarakṣe! sīmantadeśamanavadyasarasvatīnāṃ sindūrayanti bhavatīcaritāḥ parāgāḥ 13.10 mānyena raṅganṛpatermaṇipādarakṣe! cūḍāpadāni rajasā tava bhūṣayantaḥ kālakrameṇa bhajatāṃ kamalāsanatvaṃ nābhīsarojarajasāṃ nivasanti madhye 13.11 mātarmukundacaraṇāvani! tāvakīnāḥ cintāvaśīkaraṇacūrṇaviśeṣakalpāḥ sañcārapāṃsukaṇikāḥ śirasā vahanto viśvaṃ punanti padapadmaparāgaleśaiḥ 13.12 āyojitānyamaladhībhirananyalabhye pādāvani! śrutivadhūpaṭavāsakṛtye www.prapatti.com 2 Sunder Kidambi
tvatsañcarapracalitāni rajāṃsi śaureḥ prakhyāpayanti padapadmaparāgaśobhām 13.13 mūrdhānamamba! murabhinmaṇipādarakṣe! yeṣāṃ kadā pi rajasā bhavatī punāti tvāmeva te sukṛtinaḥ snapayanti kāle mandāradāmarajasā makuṭacyutena 13.14 rathyāvihārarajasā paridhūsarāṅgīṃ raṅgeśvarasya lal mahotsaveṣu iteṣu prasphoṭayatyavanato maṇipāduke! tvāṃ gaurīpatiḥ svayamibhājinapallavena 13.15 nedīyasāṃ nijaparāganiveśapūrvaṃ spṛṣṭvā śirāṃsi bhavatī bhavarogabhājām gāḍhaṃ nipīḍya garuḍadhvajapādarakṣe! mānagrahaṃ śamayatīva parairasādhyam 13.16 āpātavallavatanorakumārayūnaḥ pādāvani! praviśato yamunānikuñjān āsīdanaṅgasamarāt purataḥ pravṛttaḥ senāparāga iva te padavīparāgaḥ 13.17 gaṅgāpagātaṭalatāgṛhamāśrayantyāḥ pādāvani! pracalitaṃ padavīrajaste prāyeṇa pāvanatamaṃ praṇatasya śambhoḥ uddhūl kimapi nūtanamātanoti 13.18 anaṃ ante tadā tvamavil ambitamānayantī raṅgād bhujaṅgaśayanaṃ maṇipādarakṣe! kāmaṃ nivartayitumarhasi saṃjvaraṃ me karpūracūrṇapaṭalairiva dhūl 13.19 ibhiste www.prapatti.com 3 Sunder Kidambi
raṅgeśapādasahadharmacari! tvadīyān maul niveśya mahitān padavīparāgān au santastrivargapadavīmatilaṅghayanto maul padaṃ vidadhate vibudheśvarāṇām 13.20 au mātastadā mādhavapādarakṣe! tvayi prasaktaṃ tvarayopayāntyām parāmṛśeyaṃ padavīparāgaṃ prāṇaiḥ prayāṇāya samujjihānaiḥ 13.21 tathāgatā rāghavapādarakṣe! saṃpaśyamāneṣu tapodhaneṣu āsīdahalyā tava pāṃsuleśaiḥ apāṃsulānāṃ svayamagragaṇyā 13.22 paśyāmi padmekṣaṇapādarakṣe! bhavāmbudhiṃ pātumiva pravṛttān bhaktopayānatvarayā bhavatyāḥ paryasyamānān padavīparāgān 13.23 pañcāyudhī bhūṣaṇameva śaureḥ yatastavaite maṇipādarakṣe! vitanvate vyāptadiśaḥ parāgāḥ śāntodayān śatrucamūparāgān 13.24 pariṇatimakaṭhorāṃ prāptayā yatprabhāvāt alabhata śilayā svān gautamo dharmadārān punarupajaniśaṅkāvārakaṃ pāduke! tat praśamayati rajaste rāgayogaṃ prajānām 13.25 rajanivigamakāle rāmagāthāṃ paṭhantaḥ kuśikatanayamukhyāḥ pāduke! bhāvayante www.prapatti.com 4 Sunder Kidambi
upalaśakalasaktaistvatparāgairakāṇḍe janitamunikal daṇḍakāraṇyabhāgān 13.26 atrān śubhasaraṇirajobhiḥ śobhayantī dharitrīṃ pariṇatiramaṇīyān prakṣarantī pumarthān bhavasi bhuvanavandyā pāduke! raṅgabhartuḥ śaraṇamupagatānāṃ śāśvatī kāmadhenuḥ 13.27 pavanataral pāduke! raṅgabhartuḥ itaste viharaṇasamayeṣu vyāptaviśvaḥ parāgaḥ viṣamaviṣayavartmavyākulānāmajasraṃ vyapanayati janānāṃ vāsanāreṇujālam 13.28 niṣpratyūhamupāsiṣīmahi muhurniśśeṣadoṣacchido nityaṃ raṅgadhurandharasya nigamastomārcite pāduke! dhatte mūrdhabhirādipadmajanitā tattādṛśī santatiḥ yatsañcārapavitritakṣitirajaḥ paṅktiṃ catuṣpañcaṣaiḥ 13.29 rajasā parorajastanna khalu na laṅghyeta bhagavato pi padam kimuta hṛdayaṃ madīyaṃ bhavatī yadi nāma pāduke! na syāt 13.30 iti śrīpādukāsahasre trayodaśī kavitārkikasiṃhāya kalyāṇaguṇaśāline śrīmate veṅkaṭeśāya vedāntagurave namaḥ www.prapatti.com 5 Sunder Kidambi