śrīḥ śrīmate nigamāntamahādeśikāya namaḥ śrīmān veṅkaṭanāthāryaḥ kavitārkikakesarī vedāntācāryavaryo me sannidhattāṃ sadā hṛdi śrīparāśarabhaṭṭaviracita This document has been prepared by Sunder Kidambi with the blessings of śrī raṅgarāmānujamahādeśikan His Holiness śrīmad āṇḍavan of śrīraṅgam This was typeset using L A TEX and the skt font.
śrīḥ śrīmate rāmānujāya namaḥ śrīparāśarabhaṭṭāryaḥ śrīraṅgeśapurohitaḥ śrīvatsāṅkasutaḥ śrīmān śreyase me stu bhūyase amṛtaprabhavaṃ prabhāprabhāva prahatadhvāntalasadvilāsajātam sakalaṃ sakalānumodahetuṃ śaśinaṃ tvāṃ kalayāmi raṅgarāja! 1 aniśaṃ kumudaṃ vikāsayantaṃ satataṃ pūrṇamaharniśaṃ ca dṛśyam anupaplavamadya raṅgarājaṃ manute candramasaṃ jano numānyam 2 kuṅkumāruṇamudañcita śriyaṃ komalāruṇa sarojasaṃsthitam raṅgamandira! tamonivāraṇaṃ śaṅkate tapanadīdhitiṃ janaḥ 3 bhavantaṃ śrīmantaṃ hasitakalikālaṅkṛtamiha aśokaṃ kurvantaṃ bhramarahitaṃ atyutsavakaram sukhasparśāśliṣyatpavanajamahānanda bharitaṃ vasantaṃ raṅgeśaṃ! prakaṭasumanaskaṃ manumahe 4 satpakṣapātāt bhuvanāśrayatvāt sanmānasāvāsa nibandhanatvāt padmāśrayatvācca bhavānidānīṃ haṃso yathā rājati raṅgarāja! 5 antassthitassumanasāṃ amareśaratna cchāyā vikalpitarucirnayanābhirāmam āpātitasmaraguṇaḥ prathitapracāraḥ śākhāsu raṅganṛpatirmadhupo vibhāti 6 sārdhaṃ dvijaiḥ śrāvaṇakarma raṅgin kalpocitasnāna vidhiṃ karoṣi
śrutismṛtibhyāṃ vyapadiśyamānaṃ svayaṃ mamājñāṃ anuvartayāmi 7 samunmiṣatpadmajatāra saṃśritā tavāvatārakrama pāṭhatatparā trayīva raṅgeśa! samarthyate janaiḥ asau jayantītyuditeyamaṣṭamī 8 amṛtamayamanantaṃ siddhasarvārthajātaṃ niyamitasakalārthaṃ niścitātmāvabodham kimiha bahu niruktaiḥ kīrtanābhīṣṭadaṃ tvāṃ nigamamiva manojñaṃ raṅgarājādya manye 9 śyāmābhaṃ makuṭopetaṃ kaṭakāñcitamunnatam sattvāśrayaṃ raṅgarājaṃ mahīdharamavaimyaham 10 sattvonnatassakala sattva nivāsabhūmiḥ sauvarṇaramya vibhavassumano manojñaḥ sadvṛttasaṅga samadhiṣṭhita pārśvadeśaḥ śailātmanā sphurasi raṅgamahīśvara! tvam 11 aśeṣāśāpūrtiṃ vidadhatamanekaiḥ svavibhavaiḥ prasidyatkalyāṇaṃ prakaṭatara pītāmbara rucim kṛtasvāsthyotsedhāt nikhilasumanaḥ prītijananaṃ bhavantaṃ manye haṃ suraśikhariṇaṃ raṅganṛpate! 12 marakatamaṇiramyaṃ ramyamāṇikyamuktā phalavilasitagātraṃ prasphuradgandhavāham vihitavividhajantuṃ prollasanmīnalīlaṃ sugamajalanidhiṃ tvāṃ manmahe raṅgarāja! 13 maṇivararucivāhī matsyarūpaṃ dadhāno lalitadhaval aśaṅkho laṅghayanneva velām vidhṛtabhuvanabhāro vīkṣyase raṅgadhāman apara iva vapuṣmānāpagānāmadhīśaḥ 14 nānānuvṛtti viṣayaṃ natarājahaṃsaṃ nānāṇḍajāta samadhiṣṭhitamabjaramyam sevāvatīrṇa sumarudgaṇamadya raṅgin! bhāvānurūpa nadamityanumanmahe tvām 15 www.prapatti.com 2 Sunder Kidambi
vṛttirvegavatī samāśritajanatrāṇe bhavaccetasaḥ tāmrā kuṅkumapatrikā bhujataṭī te tuṅgabhadrojjvalā raṅgādhīśvara! narmadā ca bhaṇitiḥ śoṇassujāto dharaḥ tasmāt snāna vidhau jano hi manute tvāṃ sarvatīrthātmakam 16 anekaśākhāśritamāśritebhyo dattādhikāṃśaṃ tridaśaikabhogyam suparṇaramyaṃ sumanassametaṃ suradrumaṃ tvāṃ sudhiyo vadanti 17 śrīmat suraṅgadharaṇīśa! viśālaśākhaṃ śrīkaustubhasphuritamīpsitadānadakṣam haṃsādi saddvija varairupasevyamānaṃ tvāṃ manmahe surataruṃ suranāthanātha 18 adyāyate lasati hallakapuṣpamālā vakṣassthale vinihitā tava raṅgarāja! svacchandavāri kamalācaraṇāravindamāṇikyanūpura mayūkha paraṃpareva 19 raṅgeśa! rajanīcarcā rājate tava vakṣasi devyā hiraṇyavarṇāyāḥ dehakāntirivotthitā 20 sarvasmātpara! sāṃparāyasavane śaktistavecchātmikā patnī pātragaṇaścca hetipatayaḥ prāptartvijo bāhavaḥ paulastyāḥ paśavo daśānanamukhāḥ rakṣāphalaṃ jñānināṃ śrīman! majjanakaitavādavabhṛthasnāteva raṅgeśvara! 21 kriyādarśe darśe kṛtamakhavidhīnāmupagate pravṛttasnānāṃstvaṃ paramudayase raṅgataraṇe prakarṣeṇodbuddha dvijakulamaśeṣaṃ pratidiśaṃ prahṛṣṭā padmorvī bhavati ca jagat dhvastatimiram 22 candrārkau raṅgadhāman! śravaṇamupāgatau cakṣurākārayogāt mānyo mā saṅgamaste sadasi bahumato mitravārasya yogaḥ kālo yaṃ puṣyadiṣṭo bhavati mayi mahāṃstvatkaṭākṣasya pātaḥ tvatkāntyabdheśca setustvamasi vayamiha prāptatīrthā bhavāmaḥ 23 www.prapatti.com 3 Sunder Kidambi
padmāvidyudalaṅkṛtāṅgavibhavaṃ gaṃbhīranādāśrayaṃ sāndrendropalakānticoravapuṣaṃ santāpavidhvaṃsinam kāruṇyāmbubharāśrayaṃ vidadhataṃ saccātakānāṃ mudaṃ mānyaṃ meghamamoghapūrṇaphaladaṃ raṅgādhipaṃ manmahe 24 tvaṃ me haṃ me kutastattadapi kuta idaṃ vedamūla pramāṇāt etaccānādi siddhādanubhava vibhavāt tarhi sākrośa eva kvākrośaḥ kasya gītādiṣu mama viditaḥ ko tra sākṣī sudhīssyāt hanta tvatpakṣapātī sa iti nṛkalahe mṛgyamadhyasthavat tvam 25 uttarīyapaṭikā virājate raṅgarāja! bhavato bhujāntare satpathe śatamakhopalaprabhe jāhnavīva śaradabhranirmalā 26 paśyatsurāsuragaṇaṃ sumanovikāsasatsiddhacāraṇasamūha niṣevyamāṇam saṃdṛṣṭacārutara sāratarāmṛtaughaṃ tvāṃ raṅgarāja! kalayāmi hi mandarādrim 27 iti saṃpūrṇam www.prapatti.com 4 Sunder Kidambi