śrīḥ śrīmate nigamāntamahādeśikāya namaḥ śrīmān veṅkaṭanāthāryaḥ kavitārkikakesarī vedāntācāryavaryo me sannidhattāṃ sadā hṛdi This document has been prepared by Sunder Kidambi with the blessings of śrī raṅgarāmānujamahādeśikan His Holiness śrīmad āṇḍavan of śrīraṅgam This was typeset using L A TEX and the skt font.
śrīḥ śrīmate rāmānujāya namaḥ śrīmate nigamāntamahādeśikāya namaḥ kamapyādyaṃ guruṃ vande kamalāgṛhamedhinam pravaktā chandasāṃ vaktā pañcarātrasya yassvayam 1 sahadharmacarīṃ śauressaṃmantritajagaddhitām anugrahamayīṃ vande nityamajñātanigrahām 2 vande vaikuṇṭhasenānyaṃ devaṃ sūtravatīsakham yadvetraśikharaspande viśvametadvyavasthitam 3 yasya sārasvatasroto vakul āmodavāsitam śrutīnāṃ viśvamāyālaṃ śaṭhāriṃ tamupāsmahe 4 nāthena muninā tena bhaveyaṃ nāthavānaham yasya naigamikaṃ tattvaṃ hastāmalakatāṃ gatam 5 namasyāmyaravindākṣaṃ nāthabhāve vyavasthitam śuddhasattvamayaṃ śaureravatāramivāparam 6 anujjhitakṣamāyogamapuṇyajanabādhakam aspṛṣṭamadarāgaṃ taṃ rāmaṃ turyamupāsmahe 7 vigāhe yāmunaṃ tīrthaṃ sādhubṛndāvane sthitam nirastajihmagasparśe yatra kṛṣṇaḥ kṛtādaraḥ 8 dayānighnaṃ yatīndrasya deśikaṃ pūrṇamāśraye yena viśvasṛjo viṣṇurapūryata manorathaḥ 9 yo nityamacyutapadāṃbujayugmarukmavyāmohatastaditarāṇi tṛṇāya mene asmadgurorbhagavato sya dayaikasindhoḥ rāmānujasya caraṇau śaraṇaṃ prapadye 10 rāmānujapadacchāyā govindāhvānapāyinī tadāyattasvarūpā sā jīyānmadviśramasthalī 11
śrīparāśarabhaṭṭāryaḥ śrīraṅgeśapurohitaḥ śrīvatsāṅkasutaḥ śrīmān śreyase me stu bhūyase 12 namo vedāntivedyāya jaganmaṅgal ahetave yasya vāgamṛtāsārapūritaṃ bhuvanatrayam 13 vedāntivedyāmṛtavārirāśeḥ vedārthasārāmṛtapūramagryam ādāya varṣantamahaṃ prapadye kāruṇyapūrṇaṃ kalivairidāsam 14 śrīkṛṣṇapādapādābje namāmi śirasā sadā yatprasādaprabhāvena sarvasiddhirabhūnmama 15 śrīkṛṣṇapādapādābjalolupaṃ sadguṇārṇavam śrīraṅgāryamahaṃ vande drāmiḍāmnāyadeśikam 16 śrīraṅgāryagurossūnuṃ dhīśamādiguṇārṇavam keśavāryamahaṃ vande drāmiḍāmnāyadeśikam 17 keśavāryagurossūnuṃ dhīśamādiguṇārṇavam śrīnivāsaguruṃ vande drāmiḍāmnāyadeśikam 18 śrīraṅgarājadivyājñālabdhasāmrājyalāñchanam guruṃ dramiḍavedānāṃ keśavāryamupāsmahe 19 keśavāryakṛpāpātraṃ dhīśamādiguṇārṇavam śrīśaṭhāriyatīśānaṃ deśikendramahaṃ bhaje 20 prapadye niravadyānāṃ niṣadyāṃ guṇasaṃpadām śaraṇaṃ bhavabhītānāṃ śaṭhakopamunīśvaram 21 śrī śaṭhāriyatīśāna padapaṅkajaṣaṭpadam śrīmannārāyaṇamuniṃ śraye śrī bhāṣyadeśikam 22 śrīmannārāyaṇa muneḥ pada paṅkajaṣaṭpadam parārddhyaguṇasaṃpannaṃ parāṅkuśamuniṃ bhaje 23 śrī parāṅkuśayogīndra caraṇāṃbujaṣaṭpadam śrīnivāsamuniṃ vande śrībhāṣyāmṛtasāgaram 24 www.prapatti.com 2 Sunder Kidambi
śrīnṛsiṃha dayāpātraṃ paravādigajāṅkuśam sarvatantrasvatantrāryaṃ śaṭhakopamuniṃ bhaje 25 śrīmacchaṭhāri munipāda sarojahaṃsaṃ śrīmatparāṅkuśa tapodhana labdhabodham śrīman nṛsiṃha varadārya dayāvalambaṃ śrīmatparāṅkuśamuniṃ praṇato smi nityam 26 śrīparāṅkuśayogīndra caraṇābujaśekharam samastaśāstrapārīṇaṃ śaṭhakopamuniṃ bhaje 27 śaṭhakopayatiśreṣṭha padapaṅkajaṣaṭpadam sarvaśāstrārthatattvajñaṃ parāṅkuśamuniṃ bhaje 28 śaṭhārinārāyaṇasaṃyamīndra parāṅkuśa śrīnidhi vaṇśaṭhārīn parāṅkuśa śrīśaṭhakopayogi parāṅkuśāṃścādigurūn bhajāmaḥ śrīman nṛsiṃhavarada parāṅkuśa kṛpāśrayam śrīmannārāyaṇamuniṃ śraye śrībhāṣyadeśikam 29 varadāryagurūttaṃsa caraṇāmbujaṣaṭpadam śaṭhakopamuniṃ vande śaṭhāripravaṇaṃ sadā 30 parāṅkuśa śaṭhārāti padāmbojaika dhārakam śrīnivāsamuniṃ vande mādṛśāmapi tārakam 31 śrīparāṅkuśa yogīndra śrīnivāsapadāśrayam śrīmannārāyaṇamuniṃ vande vedāntadeśikam 32 śrīmannārāyaṇamuneḥ padapaṅkajahaṃsakam vīrarāghavayogīndraṃ vande varaguṇākaram 33 praṇamya nārāyaṇa vaṇśaṭhadviṣadramānivāsānanaghān munīśvarān namāmi nārāyaṇayogitallajaṃ tadādimaṃ vīraraghūdvahaṃ gurum śrī vīrarāghavamunervarivasyaika jīvanam samāśrayemahi śrīmannārāyaṇa munīśvaram 34 www.prapatti.com 3 Sunder Kidambi
śrīnārāyaṇa yogīndra padāmbojaika jīvanam bhaje śrīraṅgakalyāṇa vīrarāghava yoginam 35 kalyāṇarāghavamuneḥ kṛpāpātraṃ dayānidhim sarvaśāstrārtha tattvajñaṃ śaṭhakopamuniṃ bhaje 36 śrīmannārāyaṇamuniṃ śrīśaṭhāripadāśrayam śrī vīrarāghavamuniṃ vande vedāntadeśikam 37 vīrarāghava vedānta munivarya padāśrayam śrīmannārāyaṇamuniṃ śraye śrībhāṣyadeśikam 38 śrīmannārāyaṇa muneḥ padapadmasamāśrayam śrīnivāsamuniṃ vande vedāntadvayadeśikam 39 śrīnivāsa muniśreṣṭhāllabdhavedāntasaṃpadam śrī vīrarāghavamuniṃ kalyāṇaguṇamāśraye 40 vedāntottara vīrarāghava munernārāyaṇa śrīnidhiśrīmadvīraraghūdvahākhya yamināṃ kalyāṇavīkṣāspadam vijñātobhaya vedamaul vidvacchirobhūṣaṇaṃ vandeyānudinaṃ parāṅkuśamuniṃ ihṛdayaṃ vairāgyabhaktyanvitam 41 vidyāmbodhi parāṅkuśākhya munirāḍaṅghridvayīsaṃśritaṃ trayyantāmṛta varṣiṇaṃ tanubhṛtāṃ trāṇāya jātodayam kṣoṇyāṃ khyātasamastatantrakuśalaṃ vyākhyātṛtāśālinaṃ śrīnārāyaṇa yogivaryaṃ aniśaṃ kāruṇyapūrṇaṃ bhaje 42 vīrarāghava vedānta nārāyaṇa padāśrayam śrīvīrarāghavamuniṃ saṃśraye śritavatsalam 43 śrīvīrarāghavamuniṃ śrutimaul isūriśrīmatpadāmbuja samāśraya labdhasattvam śrīvīrarāghavamunīndra kṛpāvalambaṃ śrīmatparāṅkuśa yatīndra muniṃ bhajāmaḥ 44 śrī nārāyaṇa kalyāṇavīrarāghavayoginau śaṭhajid vīraraghurāṭ vedamaul imunīśvarau nārāyaṇa śrīnivāsa vīrarāghavayoginaḥ parāṅkuśamuni śrīmannārāyaṇamunīśvarau www.prapatti.com 4 Sunder Kidambi
vīrarāghavayogīndraṃ vītarāgaśikhāmaṇim parāṅkuśayatīśānamuniṃ cāniśamāśraye śrīvāsavīraraghuvaryaparāṅkuśādi rāmānujāryamunibhirgurusārvabhaumaiḥ śrīśrīnivāsayatiśekharamāśrayāmaḥ 45 śrīvīrarāghava yatīndra parāṅkuśādi rāmānujāryakamalānidhi yogivaryaiḥ śrīraṅganāthayatiśekharamāśrayāmaḥ 46 śrīśrīnivāsayatiśekharalabdhabodhaṃ śrīraṅganāthayatidhuryapadābjabhṛṅgam śrīvīrarāghavamuniśrutimaul isūriṃ śrīnāthabhaktibharitāśayamāśrayāmaḥ 47 śrīvāsaraṅgapativīraraghūdvahādī vedāntasaṃyamivarairgurusārvabhaumaiḥ śrīraṅganāthaśaṭhakopamuniṃ bhajāmaḥ 48 vidyāṃbhodhiparāṅkuśākhyayatirāṭ śrīvāsaraṅgādhipaśrīmadvīraraghūdvahaśrutiśiro yogīśvarairanvaham raṅgādhīśaśaṭhārisaṃyamivaraiścālokitaṃ sādaraṃ vidyāvārinidhiṃ parāṅkuśayatīndrākhyaṃ munīndraṃ bhaje 49 śrīvāsaraṅgapativīraraghūdvahādivedāntadeśikaparāṅkuśalakṣmaṇāryaiḥ saṃprekṣitaṃ karuṇayāparipūrṇabodhaṃ śrīśrīnivāsanigamāntaguruṃ bhajāmaḥ 50 śrīraṅganāthayativaryakṛpāttabodhaṃ śrīvāsavedaśikharāryadayāvalaṃbam vairāgyabhaktimukhasadguṇasāgaraṃ śrīnārāyaṇaśrutiśirogurumāśrayāmaḥ 51 śrīvāsaraṅgapativīraraghūdvahādi vedāntamānilayavedaśiroyatīndraiḥ www.prapatti.com 5 Sunder Kidambi
śrīvīrarāghavayatīndraguruṃ bhajāmaḥ 52 śrīraṅganāthaśaṭhakopayatīndrapādapaṅkeruhapravaṇacittamudārabodham śrīvīrarāghavayatīndrakṛpāvalambaṃ śrīmacchaṭhāriyativaryaguruṃ bhajāmaḥ 53 śrīmadvīraraghūdvahaśrutiśiroraṅgeśakāryātmajaśrīvāsaśrutimaul iyogiśaṭhajidyogīśavīkṣāspadam vikhyātaṃ śamadhīdamādisuguṇairāḍhyaṃ vipaścittamaṃ vande śrīśaṭhakopalakṣmaṇamuniṃ vairāgyavārākaram 54 śrīmacchrīvīraraghvīṭśrutimakuṭagurūttaṃsapādābjabhṛṅgaṃ śrīmacchrīraṅgabhūbhṛcchaṭhamathanagurorlabdhavedāntayugmam śrīmannārāyaṇādyaśrutiśikharaśaṭhārātirāmānujāryaprekṣāpātraṃ bhajāmo guruvaramanaghaṃ raṅganāthaṃ yatīndram 55 śrīnārāyaṇavedamaul pādāravindāśrayaṃ khyātaśrīśaṭhakopadeśikamaṇerlabdhāgamāntadvayam iyatirāṭ śrīmadraṅgadhurīṇayogicaraṇanyastātmarakṣābharaṃ seve śrīnidhiyogivaryamanaghaṃ nirbādhabodhodayam 56 astyattraiko viśeṣo budha iti śaṭhajillakṣmaṇābhyāṃ munibhyāṃ ekībhūyoditābhyāmiva nirupadhikaṃ sādaraṃ sadgurubhyām vedāntadvandvamantratrayavivṛtimukhe śikṣitaṃ kṣāntimukhyaiḥ āḍhyaṃ śrīvīraraghvīṭ śaṭhamathanaguruṃ samyamīndraṃ bhajāmi 57 śrīmacchaṭhāriśaṭhajidyatidhuryavīraraghvīṭśaṭhāriyatiśekharadeśikendraiḥ śrī śrīnivāsaśaṭhakopamuniṃ bhajāmaḥ 58 www.prapatti.com 6 Sunder Kidambi
śrīvīrarāghavayatīndrapadābjabhṛṅgaṃ śrīmacchaṭhāriyativaryakṛpāttabodham śrīśrīnivāsaśaṭhajidyatidhuryavīkṣāpātraṃ parāṅkuśayatīndraguruṃ bhajāmaḥ 59 śrīmacchaṭhāriyatiśekharalabdhabodhaṃ śrīraṅganāthayatidhuryakṛpaikapātram śrīmatparāṅkuśayatīndradayāvalambaṃ śrīraṅganāthaśaṭhakopamuniṃ bhajāmaḥ 60 śrīmacchaṭhāriśaṭhakopayatīndraraṅgikāryātmajātamunibhirgurusārvabhaumaiḥ lakṣmīnṛsiṃhaśaṭhakopamuniṃ bhajāmaḥ 61 śrīraṅgeśayatīndunā karuṇayā sau syāditi prekṣitaṃ khyātaśrīnarasiṃhakārijamunīṭpādāṃbujendindiram dāntikṣāntidayādibhiḥ śubhaguṇairbhāntaṃ budhāgresaraṃ śrīmadraṅgaśaṭhāriyoginṛpatiṃ śreyonidhiṃ saṃśraye 62 śrīmacchrīraṅgapṛthvīśvaraśaṭharipuṇā saṃyamīndreṇa dṛṣṭaṃ nyastātmānaṃ nṛsiṃhe narahariśaṭhajidyoginetuḥ prasādāt prājñaśrīraṅgakāriprabhavayatipateḥ prāptalakṣmīnṛsiṃhāsthānaṃ seve yatīndraṃ sakalaguṇanidhiṃ vīraraghvīṭ śaṭhārim 63 śrīraṅganāthaśaṭhakopayatīndradṛṣṭaṃ lakṣmīnṛsiṃhaśaṭhajitkaruṇaikapātram śrīraṅgavīraraghurāṭśaṭhakopahṛdyaṃ vedāntadeśikayatīndramahaṃ prapadye 64 śrīmadraṅgaśaṭhāri saṃyamivarāllabdhāgamāntadvayam śrīmadvīraraghūdvahādyaśaṭhajitpādāravindāśrayam śrīmadvedavataṃsadeśikayateḥ kāruṇyavīkṣāspadam seve raṅgadhurīṇaśāsanavaśaṃ nārāyaṇaṃ yoginam 65 vedānta deśika yatīndra kaṭākṣalabdha trayyanta sāramanavadya guṇaṃ budhāgryam nārāyaṇādya yatidhurya kṛpābhiṣiktam śrīraṅganātha yatiśekharamāśrayāma 66 www.prapatti.com 7 Sunder Kidambi
śrīmate śrīlakṣmīnṛsiṃha divyapādukāsevaka śrīvaṇ śaṭhakopa śrī nārāyaṇayatīndramahādeśikāya namaḥ www.prapatti.com 8 Sunder Kidambi