śrīḥ śrīmate nigamāntamahādeśikāya namaḥ śrīmān veṅkaṭanāthāryaḥ kavitārkikakesarī ý vedāntācāryavaryo me sannidhattāṃ sadā hṛdi ý ý śrīmadveṅkaṭādhvari viracitam ý ý ý ý ý ý ý ý This document has been prepared by Sunder Kidambi with the blessings of śrī raṅgarāmānuja mahādeśikan His Holiness śrīmad āṇḍavan of śrīraṅgam This was typeset using L A TEX and the skt font.
śrīḥ śrīmate rāmānujāya namaḥ śrīmate nigamāntamahādeśikāya namaḥ ý ý ý ý dugdhāṃ dugdhāmbudheḥ putrī duritāpaharā mama ý śārṅgiṇaścaraṇāmbhojaśaraṇāgatisaṃpadam ý ý 1 ý ý dhāvantamuccataradurviṣayāṭavīṣu sāraṅgaśābamiva śaśvadapāṅgajālaiḥ ý māmacyutasya mahiṣi prasabhaṃ gṛhītvā nityaṃ vidhehi yuvaroranukūlavṛttim ý ý 2 ý ý mātarhitāhitavivekavihīnametaṃ mandaṃ mukundavaravarṇini māmanāryāt ý mārgānnivartayitumarhasi maṅkṣu mātā kūpe nipitsumapi ḍimbhamupekṣate kim ý ý 3 ý ý viśvasya dhātri bhavatī paripāsyatīti viśvasya samyagabhayaṃ tu vayaṃ carāmaḥ ý niḥ śreyasaṃ gamaya vā nirayaṃ nayervā kīrtiṃ labhasva yadi vā mahatīmakīrtim ý ý 4 ý ý uccairakṛtrimagiro yadi nābdhighoṣā unmādināṃ phaṇitayaḥ smṛtayaśca no cet ý nārāyaṇapraṇayinīṃ namato mama tvāṃ naiḥ śreyasī na bhavitā kathamamba saṃpat ý ý 5 ý ý gītopadeśagurupatni kṛtāgaso me goptrī tvameva bhavatādbhavatāpabhājaḥ ý ātmāvane pyakuśalairaparaiḥ suraiḥ kiṃ baddhaḥ svayaṃ kimu vimocayitā batānyam ý ý 6 ý ý
karmāhṛtirmatirupāstiriti pratītaiḥ mukto mukundasuvilāsini muktyupāyaiḥ ý asmādṛśastava jagatyanukampanīyo nānāparādhanidhiramba na labhyate nyaḥ ý ý 7 ý ý pāpārthakopakaluṣīkṛtanāthacetaḥ pāthaḥ prasādanavidhau katakāyitoktim ý yo haṃ bhavāmi sabhayo yadunāthayoṣe tāṃ tvāmananyaśaraṇaḥ śaraṇaṃ prapadye ý ý 8 ý ý niratiśayavibhūte devi niṣkiñcano haṃ bhavadavaparitapto bhāsvarānandamūrte ý tvadupajanitabodhastvajjuṣaḥ kaiṭabhāreḥ caraṇanalinayormāmenamadyārpayāmi ý ý 9 ý ý mahati bhavatī māmāryāṇāṃ kule samajījanad bhavapathapariśrāntacchāyātarūnanayad gurūn ý śaraṇavaraṇaṃ sāṅgaṃ śaurāvacīkaradindire kimiha bahunā saṃpūrṇau me cireṇa manorathaḥ ý ý 10 ý ý hṛdyaṃ padyasahasrametadanaghaṃ saṃśṛṇvataḥ kampatāṃ modenādimaśābdikasya phaṇino mūrdhnāṃ sahasraṃ muhuḥ ý tatkāloditacārumārutadhutatvatkeligāḍhaśramaṃ pratnaṃ saṃprati me prasīdatu rame pakṣīndravāhaṃ mahaḥ ý ý 11 ý ý yeyaṃ nādriyate kṛtiḥ katipayairīrṣyāgṛhītairjanaiḥ citraṃ saiva vipaścitāmakaluṣe citte vidhatte mudam ý www.prapatti.com 2 Sunder Kidambi
viśvasyāmba mano dunoti dayitāviśleṣiṇāṃ yā nṛṇāṃ no kiṃ kokilakākalī bhavati sā toṣāya yoṣājuṣām ý ý 12 ý ý bahustabakabhāsurastava navastavasvastaruḥ praśastavibudhastutastriyuganāyikevastutaḥ ý samastamapi vāñchitaṃ vitanute sadānandanasthitiḥ surabhilai rasairapi diśo daśāmodayan ý ý 13 ý ý ślokāḥ ślāghāvasarataralībhūtavedhaḥ purandhrīcūḍāgucchaprasṛmaramadhusrotasā jātasāmyāḥ ý viśvāmba tvadguṇaparicaye vītatandrān sudhīndrān prīṇantyete mama paramanobhairavā dhīravādāḥ ý ý 14 ý ý amba tvadguṇaleśapeśalamidaṃ ḍimbhasya me jalpitaṃ sākaṃ lokapatistvayā niśamayannākaṃ vidhātuḥ padam ý mokṣaṃ cānanurūpameva gaṇayan modān mahodāradhīḥ manye samprati pāritoṣikamasāvanveṣayanme hariḥ ý ý 15 ý ý samastaguṇaśevadheramṛtakalpasūktestava stavasya pariśīlanāt phalamupaiti yaḥ prārthitam ý labheta yadi vetanaṃ surabhidugdhadohājjanaḥ sa kāmamupamīyate janani tena naivetaraḥ ý ý 16 ý ý sānandaṃ ye sarasamanasaḥ svādu lakṣmīsahasraṃ jegīyante jagati janitaśrīnivāsaprasādam ý śāntatrāsāṃ vitatimamitāṃ śarmaṇāṃ nirmimāṇā teṣāmeṣā viharatitarāmindirā mandireṣu ý ý 17 ý ý pautreṇātreyagotrābharaṇanayacaṇaśrīnivāsādhvarīndoḥ śrīmadrāmāṅghribhaktipramuditaraghunāthāryayajvātmajena ý www.prapatti.com 3 Sunder Kidambi
vedāntācāryapādāmbujanihitahṛdā veṅkaṭāryeṇa kḷptaṃ ramyaṃ lakṣmīsahasraṃ paṭhata dṛḍhataraṃ nityakalyāṇakāmāḥ ý ý 18 ý ý ý ý iti śrīmadveṅkaṭādhvariviracite śrīlakṣmīsahasre ý ý www.prapatti.com 4 Sunder Kidambi